Compostela Solidaria

En maio do ano pasado o BNG accedeu á alcaldía de Teo por ser o partido (bueno, eles prefiren denominarse agrupación frentista, polo menos ata o vindeiro congreso) máis votado e contando co apoio do PSOE na súa investidura. Pouco máis dun ano máis tarde e despois destes meses de ineficacia e ineficiencia na súa xestión temos un goberno municipal nacionalista absolutamente CADUCO. Sen folgos, sen forzas, sen ideas, sen proxectos e co único obxectivo do Doutor Noriega de enfrentarse ao Secretario Xeral do PSOE de Teo. Están tan absoutamente noqueados e sobrepasados pola realidade da política municipal que son incapaces de respostar ao anterior Alcalde, Armando Blanco, cando lles chama parásitos. Pero sí, se movilizan para defender que unha edil do equipo de goberno non perda unha dedicación parcial.

Cando se aproba o carnet de conducir, realmente non se sabe conducir; eso o dá a práctica. O Doutor Noriega debería saber que non por ser médico e saber cubrir receitas se sabe gobernar. Gobernar é facer política, é acadar maiorías, é negociar, é traballar polos veciños e veciñas, é respeitar ao rival político (que non é un inimigo), é ter valor de recoñecer os erros, é saber estar, é saber comportarse, é ser demócrata, é saber impoñerse coa dialéctica e os feitos e non cun golpe na mesa. En definitiva é ser persoa e non un mero individuo sen capacidade pero con ferocidade.

Martiño Noriega seguro que de neno soñaba con ser médico. Cando foi médico soñaba con ser Alcalde. Agora cando é Alcalde soña cunha mocion de censura necesaria para sacarse de enriba esa responsabilidade que nun momento da súa vida pensou que podía xestionar. Agora o Doutor Noriega non ten soños, ten pesadelos. Arrepíntese de ser Alcalde, responsablidade para a que pensou que servía. Nun ano decatouse da súa incapacidade e por eso suplica constantemente que a oposición faga esa moción de censura.

Doutor Noriega se vostede está arrepentido ou sobrepasado ten a porta do Concello aberta para sair. Se pode sair dunha maneira elegante e recoñecendo o cansancio e incapacidade propia ou ben se pode sair dando lástima, pena….. é decir o que a vostede lle gusta.

Esa dexesada moción de censura, estimado e incapaz Alcalde non a verán os seus ollos.

Compartir

Compartir

Esta tarde me despedín del. Despois de sete anos de infatigables días de compaña, a nosa relación acabouse, e a verdade é que é unha magoa. Son moitos os recordos que temos xuntos, moitas viaxes, moitas confidencias, moitos kilómetros…Cando esta tarde xa o deixei nun sótano un pouco deshumanizado (ao ser sábado pola tarde) me viñeron moitas imaxes á cabeza. Todo empezou fai sete anos cando o mercamos e acabou fai unha semana nunha cuneta en Luou. O meu querido Corolla Verso xa non me pertece, agora pertece a un concesionario a cambio de mercar outro coche novo, outro Toyota. Cando o merquei soamente había outro en Santiago, agora os hai como setas. Ese rasgo diferenciador foise diluíndo co paso dos anos. Penso que Toyota me tería que facer un regaliño pola publicidade que lles din durante eses primeiros momentos de “exclusividade”.

Cando contas á xente que un despiste e a mala sorte fixo que me metera nunha cuneta, sempre che din que o mellor é que non nos pasou nada nin a min nin as dúas crías que levaba atrás. Pero a pena e certo cargo de conciencia che queda cando pensas que foi a túa culpa. Cando despois o levas ao taller e te dan un orzamento de máis de 6.000 € e todo o mundo te di que non gastes eso nun coche de sete anos que non vai quedar ben de todo, empezas a plantexarte un cambio de coche forzado. Ata que de plantexamento pasa á realidade.

Co noso Corolla andivemos moito, moitas lembranzas, cambios de traballo, vacacións, moitos kilómetros, dúas mudanzas…. moito, moito, moito…

In memorian, esta foto de fai catro anos. A miña filla maior era un bebé e eu lucía flequillo e uns kilos de máis baixo o Atomium. Exemplo dos percorridos que facía co Corolla. Ata sempre compañeiro.

Compartir

Indiscutible é o apoio que o goberno socialista presta as políticas de cooperación. O incremento dende o 2004 dos fondos públicos que se adican á Cooperación ao Desenvolvemento fan que España sexa uns dos estados que máis incrementaron estes fondos, chegando neste momento ao 0,5% do PIB. O horizonte é acadar o 0,7% no ano 2012.

O PSOE quere rendir unha homenaxe aos cooperantes españoles, con motivo del Día del Cooperante, coa presentación dun vídeo no que se subliña o importante labor que realizan no mundo.

Así mesmo en youtube abriuse a Canle Cooperantes.

Compartir

Por terceiro ano consecutivo, o 8 de septembro celébrase o Día do Cooperante, data no que o Goberno aprobou en 2006 o Estatuto do Cooperante, e no que faise un recoñecemento ao traballo dos cooperantes que traballan en países en vías de desenvolvemento.

Co gallo do Día do Cooperante, a Dirección Xeral de Cooperación Exterior da Xunta de Galicia, organiza a conferencia “Na procura dos dereitos traballando co Sur na saúde” en A Coruña. Nesta conferencia participarán Victorio Torres, director da Asociación VIHDA en Kenya e Rosa Carracedo,enfermeira dentro da Fundación FUDEN.

Actualmente en Galicia, unha cincuentena de cooperantes realizan o seu traballo nos Países do Sur.

Compartir

Nos vindeiros días os veciñas e veciñas de Teo recibirán no seu domicilio un novo exemplar da Gaceta Socialista editada pola Agrupación Socialista de Teo. Neste novo número aparte das informacións do plenos de Xuño e Xullo, destacamos a proposta socialista dun Pacto por Teo e as contradiccións do Alcalde Martiño Noriega. Recomendo a columna da última páxina sobre o primeiro ano de goberno nacionalista en Teo.

Compartir

Todos e todas lembramos estes anuncios de crecepelo ou de adelgazamento en que saen dúas fotos cun carteliño de antes e despois. Pois ben, nun post anterior comentaba a noticia de que o Concello limpiou montes, leiras e cunetas, pois observemos detidamente estas dúas fotos tomadas diante da miña casa.

ANTES

DESPOIS:

Como se pode apreciar, efectivamente a cuneta foi limpada, pero o de rapar a leira brilla pola súa ausencia. As xestas  chegan a medir máis de dous metros de altura e aloxa fauna autóctona de Luou como son coellos e raposos.

Compartir